I versi dialettali seguenti sono tratti dal poemetto “…E passa lo Millennio” di Tullio Barbone pubblicato nel 2011.
Quanno vinìa aùsto
sonava ‘na cambàna
ra cimm’a ‘na mondàgna
pe’ ‘na mesàta sana.
La gènde la sindìa
e si facìa la croce,
e lo Salevatore
preàva a bascia óce.
Sagliéro a la mondàgna
a lo Settandanòve
quanno s’ardètte tutto
ca no’ bbolètte chiòve.
E dòppo so’ sagliùti
scàozi pe’ ciénd’anni
pe’ li cercà ‘na grazia,
pe’ allondanà malanni.
Vinìano ra la Grotta,
ra Mirabella Eclano,
ra Sturno, ra Friciéndo
e da Mondemarano.
Vinìano ra Toreddra
ra Morra e da Patiérno,
ra Guardia e Calabritto,
ra Flumeri e d’Aciérno.
Vinìano a priggissiùni
a père notte e ghiuórno,
preàvano e candàvano
a ghì e a lo rituórno.
E mo’ nge viéno angòra,
ma so’ cangiati tiémbi,
non saccio si ng’è fede,
no’ nge capisco niéndi.
Li fanno festa grande
ra posti assai londàni,
viéno ra Norristònne
puro l’Amiricàni.
E quanno se ne vanno
si portano pe’ loro
‘no suono re cambàna
chi è chiù de ‘no tesoro.
Si portano pe’ loro
‘na frasca re licìna
chi pòte ra’ rifrìscko
chiù de ‘na miricìna.
Mo’ rindo Norristònne,
pe’ fede e revozióne,
‘na ghiésia nòva tiéno
pe’ lo Salevatore.
" Li fanno la novena
pe' tutte re funziùni
'na festa re tre gghiuórni
e re priggissiùni.'
