Anche i versi dialettali che seguono sono tratti dal poemetto “…E passa lo Millennio” di Tullio Barbone, pubblicato nel 2011, di cui rappresentano il Prologo e, a seguire, la sezione “Casali viventi e casali da vivere”.
... e passa lo Millennio
e l’anni a ciéndo a ciéndo
e tutto se ne vai
portato ra lo viéndo.
Ma io chi so’ fissato
pe’ ‘sto paese qua,
pe’ me, ra l’ata parte,
coccòsa àggia portà.
Mi porto viécchi addùri,
o cara terra mia,
li fatti, li sapùri,
e tanda nostargìa.
Mi porto ro parruózzo
e puro re ‘nfornàte,
graviuóli, cecalùccoli,
addrìne ‘mbettonàte,
la pizza pe’ re gghiéte,
la vègna re Natale,
polènda pe’ re frìttole
quann’era Carnoàle.
Mi porto nóglie sécche,
vendréscke arrotolate,
sausìcchi re permóne,
presótta e sopersàte.
Mi porto lo sapore
re latto appena mundo,
l’addóre re ro fiéno
quann’arrivava giugno;
ro giallo re ianéstre
chiù bbivo re lo sole,
l’azzurro re lo cielo,
l’addóre re re bbiòle.
Re nonna Giovannina
li cundi sapurìti,
re breàndi, ianàre,
re uórchi e de banditi.
Re criatùre ànna sapé
com’era ‘sto paese
e io nge r’àggia rice
condànno mese mese.
Ng’erano vecchiarèddre
a lo sole re Arzàno,
re Suório e de Fondàna
e ‘nnandi Chiazzavàno,
chi facìano re càoze
e sturcìano lo musso
quanno passava una
pe’ ro rossetto mmusso.
No’ ng’erano a la villa
li viécchi ammammulùti,
restavano a re case,
criscìano li nipùti;
o s’accuglìano ‘nziémo
‘na ròcchia re combàgni
a l’ombra re la téglia
o sott’a li castagni,
facènno cundi amari
re guerre e de fatìa,
quann’arrivava l’ora
ognuno se ne ìa.
Re sàpato e doméneca
trasìano a la candìna:
sausìcchi e mogliariéddri,
suffrìtto e gghielatìna.
E si po’ si facìano
‘no fiasco o rui re vino,
pe’ saglie ngimma Suório
ngi ulìa lo traìno.
Li vagliùni iocàvano,
ma no’ pe’ li pallùni,
azzeccànno formèlle
sceppàte a li cauzùni,
corrènno pe’ li chirchi
arrobbàti a re sécchie;
invece re guagliòtte
tinìano pupe e bbrécchie.
Pe’ pazzià no’ ng’erano
chi sa che pazziariéddri,
ma stacce, creta, scìsciuli,
li tirri, li rucchiéddri,
‘na mazza pe’ ‘no pìngolo,
‘na corda, li bittùni,
e si no’ ng’era giésso
bastavano caraùni
pe’ disegnà pe’ terra
‘na bella sittimàna
e zumbittià condènde
pe’ ‘na iornàta sana.
E quale meglio spasso
re fa’ ‘no bello fràolo
o saglie a gghì a piglià
‘no niro re picàolo?
E dind’a li casali
quann’arrivava sera
putìti immaginà
che musica e che fèra.
Iescàvano corrée.
Chi sa ch’era succiésso !!!
Assìa papà Giròmmolo
pe’ tutti figli appriésso.
E drà sindìvi puro,
facènno la matìna,
«Una spónda la luna!»
e «Zómba cavallina!».
Mo’ no’ ng’è chiù chi iòca
chi allùcca e chi iastóma
chi sciarra o mormoréa
e nì chi zómba e sòna.
Re sera e de matìna
pe’ bbìa o rind’a l’uórto
no’ bbiri ombra viva
pare ‘no munno muórto.
Ma si ti firmi e annàsuli
tu siéndi ‘no motore:
«Bongiòrno, che piacere,
vuó’ saglie, professore?»
« No, grazie za Fiurì,
zi’ Tóre, cómma Rosa,
no’ bbòglio ro cafè,
so’ qua pe’ ‘n’ata cosa»
« E cónda, a giò re zia
ca nui ti stamo a sènde,
ra sèmbe t’aspettàvamo,
nui simo assai condènde».
« Olésse sènde angòra
a l’ore matutìne
ramàri e molafuórfici,
seggiàri e conzamìne;
la tromba re zi’ Vito
allegro sonatóre,
e puro Pizzacàora
lo capo bannitóre
chi allùcca pe’ ‘ste bbìe
a cannaruózzo chino:
- Carne a bbàscio macello!-
- Ruóccoli re Sirìno!-
Olésse sènde angòra
puro sanaporcèlli,
stagnàri e pannacciàri
piattàri e conzambrèlli».
« Non gghì appriésso a suónni.
Sta’ a sènde a me, a zi’ Tóre,
quissi chi tiéni ‘ngapo
so’ picci, professore.
Non ghì a scetà li muórti,
nì a reotà la cénnere,
guarda come so’ belli
‘sti Casali da vivere!
Tinìmo vie larghe
re prète e de mattùni,
panghìne, piànde e fiùri,
re sera li lambiùni.
No’ bbiri chiù pe’ bbìa
addrìne, vacche e ciucci
e dind’a re cucine
sott’a li banghi cucci.
Non siéndi chiù re puzze,
mo’ siéndi sulo addùri,
che bbài trovanno chiù,
mo’ simo chiù signùri».
«Io pènzo ca so’ belle
tutte ‘ste cose nòve,
ma a me ‘ste bbìe mupe,
mi scùrano lo còre».
Disegni a matita di Nadia Marano